سینٹرل جیل خیرپور میں مسلح افراد کی فائرنگ کے نتیجے میں قیدی ہاشم رند ہلاک ہو گیا۔
ایس ایس پی خیرپور کے مطابق جیل میں فائرنگ سے 2 قیدی زخمی بھی ہوئے ہیں، جبکہ پولیس کی بھاری نفری سینٹرل جیل پہنچ گئی۔
ایس ایس پی نے بتایا ہے کہ مسلح ملزمان باہر سے جیل میں آ کر چھپ گئے تھے، قیدی کو عدالت سے جیل لایا گیا تو ملزمان نے فائرنگ کر دی۔
پولیس کی جوابی فائرنگ سے 1 ملزم زخمی ہو گیا جسے گرفتار کر لیا گیا ہے۔
ایس ایس پی خیرپور کا کہنا ہے کہ جیل کے اندر مسلح ملزمان کیسے داخل ہوئے، اس حوالے سے تفتیش جاری ہے۔
تفتیشی ذرائع کا کہنا ہے کہ سینٹرل جیل خیرپور میں جیل کوارٹرز کے پاس دیوار گری ہوئی تھی وہاں سے ملزمان جیل میں داخل ہوئے۔
تفتیشی ذرائع نے بتایا ہے کہ مسلح افراد 1 قیدی کو ہلاک اور 2 کو زخمی کرنے کے بعد فرار ہو گئے۔
